Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Lleendo nel parque

Votos

(Total de votos recibidos 124)

(Puntuación 2,94)

Una guía recueye información al rodio de toles aves del Parque Isabel "La Católica"
L'área de Mediu Ambiente del Ayuntamientu de Xixón y la Empresa EMULSA editaron un llibru que recueye les 94 especies d'aves que davezo aniden nos estanques del Parque Isabel "La Católica" de Xixón. La espublización amuesa, a mou de fiches, les carauterístiques de les aves e inclúe delles fotografíes, pa facer más fácil la so llocalización. Amás de conseyos pa la so observación. El so autor ye Xosé Manuel Rodríguez Calleja. La espublización del trabayu coincide colos 60 años del Parque Isabel "La católica", el primer y mayor pulmón urbanu d'una ciudá que yá tien 2,5 millones de metros cuadraos de zones verdes. Amás de tar empobináu al públicu en xeneral, el llibru xune l'oxetivu didáuticu. Pa sofitalu, nesti añu entamaránse xornaes d'observación d'aves. Xosé Manuel Rodríguez Calleja destacó qu'esti llibru nun se podría tener fecho ensin el trabayu de campu desendolcáu por escolinos del colexu Clarín, dientro'l so programa académicu, y ensin la collaboración d'una docena de fotógrafos aficionaos, la mayoría profesores.