Aceptar

Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Cuatro años de Xardín Botánicu Atlánticu

Votos

(Total de votos recibidos 96)

(Puntuación 3,02)

Cuatro años de Xardín Botánicu Atlánticu
Pa cellebrar esti aniversariu, el domingu 22 d'abril, el Botánicu cellebrará una xornada de puertes abiertes.
El mayor muséu al aire llibre del norte d'España, el Xardín Botánicu Atlánticu de Xixón, cumple'l 22 d'abril cuatro años dende la so inauguración, afitáu yá como unu de los equipamientos turísticos, didáuticos y museísticos que más rescamplen n'Asturies. Más de 232.000 visitantes asina lo amuesen. Nestos 1.465 díes abiertu al públicu, el Botánicu ye yá un referente n'España gracies al trabayu que desendolca l'equipu científicu en collaboración cola Universidá, al proyeutu educativu qu'inclúe visites de colexos o actividaes pa neños como 'l Pasaporte a la Naturaleza o les Vacaciones nel Botánicu, a talleres p'adultos na Escuela de Xardinería. Pero'l Botánicu tamién ye fiesta y cultura a traviés de los sos programes de Música con Raigañu o Nueches Máxiques, amás de les tradicionales cellebraciones del cambéu d'estación. Pa cellebrar estos cuatro años, el domingo 22 d'abril, ell Botánicu fadrá una Xornada de puertes abiertes, na que s'inaugurará la esposición de cultures Suañando n'alto, que podrá visitase hasta finales de xunu. Amás los guah.es podrán facer xuegos de siguimientu de pistes que los llevarán a percorrer el Botánicu, d'escultura n'escultura, y los mayores asistirán a llectures poétiques cola naturaleza como protagonista.